今日陰天仲要好大風，係小編第一次綑邊！跟隊，剛豬同樹哥帶隊，係東涌搭車去水口村出發。雖然無藍天白雲，但一出到水口灣見到海見到樹仲聽到海浪聲已經好舒服(: 開始行無耐已經有個位要涉水過...... 大隊有個唯一無濕腳既係有人揹佢過去lol
係海岸見好幾個人係到玩緊水上滑翔傘，好似好正咁:P 行左一陣沙灘，開始有大石灘。咩形狀既石都有，最初勁好興致乜都影一餐xd 之後有個位要用條本身係到既繩借力係石既斜面swing過去，好似話果個位落水過有啲深仲煩。
頭半段我地一路係隊頭跟住樹哥。另外有個人著對人字拖，之後變埋赤腳咁綑邊...... 佢唔係行開山但可以係啲石到暴走，幾下就彈彈彈到勁遠，身手平衡同敏捷奇好.....
行行下零零捨捨有個位啲石特別粉紅，再行見到有舊打斜既大石好似可以玩下。即刻手癮起，袋都唔除就圍住佢幾邊都爬下:P 停左陣又落後好多，即刻行快幾步要追番上隊頭。再嚟就係另一個影相位——唔知鸚鵡石定蜥蝪石lol 不過今日 咁大風如果企出啲都驚一下企唔穩跌左落去。
沿途都有好多石景。之後突然成座幾壯既石塔/石城出現係眼前擋住去路。我地見中間有幾個窿/隙諗緊通唔通到過去，點知都係封住左既。
由於我地故住玩石同影相，已經跟甩左前面疾走既樹哥，但後面大隊又好遠未到，我地唔知點過座石塔，唯有自己試下搵。最初諗緊係咪正爬過去但又好似太難，ka就去左林果邊試下過，我就跟大佬靠海試下綑唔綑到過另一邊。Turn out沿海行係正路。但當我地過左另一邊等左好耐都未見ka既蹤影，叫佢又無人應就有啲擔心。番轉頭搵佢，見佢話佢果邊行唔到過番嚟呢邊。
過左另一邊，發覺原來座石塔有得上。上左第一層，見到出面入條隙仲有得上中間一舊凌空既石，呢到坐個view又真係幾正既:D 大佬就再走入啲上埋座石塔既頂，有啲難上，廢事落咁辛苦我就停留係中間果層算lu。因為無左樹哥帶隊得我地三個都係決定等埋後面既大隊。
之後遙遠處有疊石，撒撒第一時間爬左上去。座疊石一層層咁又幾得意。
上到頂見到有條粉紅色絲帶，但佢無樹枝所以係綁係舊石仔到。回望番後面過緊嚟既大隊。
個疊石落番去都要少少時間。番番去座石前面發覺原來幾靚幾宏偉 (右上剛豬係頂同我地既合照:P)，多謝呀傾啲相:D。舊石可以爬下但又唔敢爬咁高。
疊石後面都有啲野爬下。繼續行就會經過一個圓碌碌石既灘，之後就會見到舊鱷魚石，個個爭住同佢影相。(呀ka比條鱷魚擔住左lol)