鹿巢石林

村左接山路上鹿巢石林, 其實望到左面一直都見有疑似石河出現, 奈何全部都俾藤蔓封住, 最後都冇去一探。行大約十五分鐘留意右方有小徑, 一出就係石林底層 :D

一個一望無際ge石林, d石全部都係深啡深灰色, 而石面都有大小不一ge沖溝, 好特別。可惜呢個時候個天好灰, d石影出黎睇唔到d石色, 要影到靚一定要等天藍做個對比。 ><

探咗陣就決定在此大休, 車哥哥更使用睡眠絕招。(好勁, 係d咁凹凸不面ge石面都訓到咁'林')

休後再上,呢個石林大槪可以分三層, 但其實冇話一條特定ge路上去, 隨意發揮搵路上就可以。呢個時候就進行敲石環節, 建議大家係上石林之前搵定舊石仔, 呢個石林d石仔唔知係咪俾人執晒, 勁難先搵到舊 lol

隨便用舊石仔敲下d石, 你就會發現有部份石敲出黎d聲係勁metallic, 好似係公園敲d空心鐵通扶手咁, 勁神奇 ! 之後我地就開始我地ge敲石交響樂, 將第一層ge石差唔多都敲晒, 敲咗差唔多成個鍾先肯收手, 敲到手都軟埋 ... =_______=

敲飽之後就繼續上路, 又見到兩舊好大ge石, 又忍唔住停低玩下。兩舊都爬得, 上到去石頂好開揚望番個石河勁靚。

玩夠之後再上, 又見劍龍石,八仙嶺石,豬仔石... 俾d想像力就咩石都得

最後玩完之後就接上小徑去鹿巢山順面探埋獨木舟石, 再經馬鞍山走人 :D