上半場玩完鳳壁石澗，大隊(今日係跟剛豬仲有好多其他前輩帶隊)就係郊遊徑衝到落山，差唔多落到心經簡林有個草坡轉上去就嚟到倒腕石河。上左石河前段終於有得大休停低食野。Ming哥好誇張帶左幾盒壽司上山比大家食，又有其他人帶左好多水果share (: 仲有仲有ka既罐頭沙甸魚嚟夾包 + 大佬既冰凍糖水，勁豐富!
食飽飽繼續出發! 未到倒腕崖，係倒腕石河上已經有啲石可以爬下影下相。可惜呢刻天色轉陰，影相無藍天白雲咁靚。(幾經辛苦終於搵到張我地幾個唯一既合照..... 因為之後ka哥就衝左係隊頭，一直到落山都未見番人lol)
過完石河，向住倒腕崖進發，好大幅壁呀！係塊壁既靠左邊向上少攀至第一層棧道位，橫移向左就會嚟到比較難少少既攀爬位。因為呢次跟大隊行都有成廿幾人，呢個位要等逐個上，塞車就在所難免。呀ka係比較隊頭位置所以好早就爬左上去(右下圖)，而我地包隊尾就龍尾去到轉角位，塞左大半粒鐘。
由於大佬悶到係崖底連手機都玩到無野睇，我地就話不如過去轉角位右邊崖睇下有無得係果邊爬上去。佢石台棧道位有大約60cm咁闊倒啦，大佬同ricky過左去，我又跟。當我行出左幾步有一步開始移重心去右腳既時候，見到右腳腳底石台位側邊啲泥突然鬆開，下一秒就係成舊60x60x100cm 既成個台位大石lum左落下面......... 果下無乜手位，如果我重心移哂過右腳我個人都好似卡通咁跟住飛埋落去._. (同埋好彩下面無人...) 嚇到我心都飛埋出嚟，我地幾個即刻乖乖地閃番過左邊繼續排隊等上正路。所以呢，係倒腕崖真係唔好亂咁搵其他路線爬，不論幾大既石都可以成舊碎出嚟！
到我地上啦，前面既呀nick上既時候兩隻腳都jam條隙個pose夠哂特別(左上)。我地係隊尾無其他人就緊係一路上一路點影相都得啦，正:P 上完呢層再望上去.... 哇，又有好靚既壁！
又一個超正影相位。但睇番點解前面其他人影都藍天白雲，我去到影個天已經灰到咁...... 唔緊要啦陰天又係另一個feel :P
繼續上都係勁好景又好玩。可惜呢條線唔長幾下就上哂 (所以夾埋其他半日線嚟玩會比較好 e.g. 鳳壁石澗)。最後我地就經羅漢塔果邊落山。
路過羅漢塔果陣都係忍唔住同karis一齊上左去影相:p 多謝大佬係對面山頭等我地過到去影。
見到羅漢峽就諗起之前行北天門棧道果次都好正 (: 之後迅速落山就完左今日既行程:D