雞籠坑，淨係聽個名都夠哂得意。今朝一早中環搭7號巴士去華富村，中途站落車係莉莉花業呢到行入去。入到去係條橋隔離有梯落大水管再爬落去入澗。但最初由上面望落入澗位見勁多垃圾已經唔係好想落。但為左要玩無計啦xd
呢條坑出名水質有啲差，因為上源比半山住宅區污染哂，但澗型靚幾多野爬同玩。所以就成為今日行程既第一條坑。
行呢條坑既首要挑戰就係力保不濕！但有野爬就都一定要照過去玩既:P 見到有棵樹既根成塊野咁好搞笑。
細心留意下啲樹幹都幾多菇類植物。唔知點解港島呢頭啲坑入澗/分源都有哂牌同號碼，想認錯都幾難。PFL4(3)就係雞籠坑既代號。
跟住就嚟到橋底既連環瀑。橋底瀑加埋左邊既陡壁令呢個位幾特別。我地就係右邊爬左上橋頂，因為聽大師兄講話沿上面既石屎路向右行五至十分鐘倒會有樹根壁睇。
特登兜過嚟睇既呢塊樹根壁又真係無令我地失望。唔係好大幅但好靚呀連埋上面棵樹！我地就緊一時間爬上去玩啦:P 啲樹根中間啲手腳位又幾靚，但吊係中間影相太耐都好易無力哈哈。
玩完樹根壁就番番過澗果邊繼續上溯。好快就嚟到一個高少少既瀑。前面有舊尖石，meko走上去平衡做瑜伽pose完全無難度。呢個瀑正攀唔到要係左邊沿樹藤上。
又有野爬下。meko啲根鬆到..... 勁大步lol 好彩好多其他方法都上到姐:P
再上就開揚少少啦。途中遇著青蛙事件.... 話說係其中一個潭到見到有隻青蛙係水到好似比啲草纒住左，見佢係咁踢水都郁唔到。我地就諗住幫佢整開啲草啦，點知用樹枝整佢出嚟先見到原來係兩隻青蛙痴埋一齊....... 我地阻住左佢地._.
又有個高啲既瀑位啦。雖然唔想掂到啲水，但meko都第一時間正攀左上去。我就跟隊啦，點知原來臨頂個位突出嚟，如果唔掂水真係幾難下。等緊marcus上難位既時候我個頭中哂上面舊石滴落嚟啲污糟水 x_x 最後得我地三個正攀上去，其他人都行右邊林路避過左啲水。
上完頂行多幾步就有石屎路駁番入郊遊徑lu。中間經過見到潭入面啲水真係幾混濁幾恐怖lol 其實仲有得繼續上澗行埋上源，但既然已經玩哂精華段就緊係無謂左同啲屎水糾纏啦lol 上番港島徑見到有真正既'馬'路。
玩完雞籠坑，就再去行左兩條薄扶林坑，再上西薄坑，接去玩西高南崖，最後西高北坑落山，結束完美既一日:D