top of page
上半場玩完馬西左源同馬西左崖，就趕過嚟大金鐘呢邊玩埋金鐘南崖。由灣曲山沿住郊遊徑過大金鐘，去到大金鐘既路口，轉入左邊明顯既山腰小徑過金鐘南 (呢個位直行係上大金鐘頂，右轉就係郊遊徑大路)。
一路沿住呢條山腰棧道行，中間會經過一條碎石河，之後就開始多石同壁係側邊。呀發呢個位(右上)其實都上到去，但金鐘先係我地要玩既目標，所以亂爬左兩下就落番嚟繼續向前行。沿途望出去既景色都唔錯 (:
終於嚟到金鐘南崖既重點——金鐘隙！第一層原來都有啲難度，要少少手力加上腳上好高。本來呀發諗住上完第一層set繩比其他人上，點知中間無乜石/樹可以綁到 (應該要上到頂棵樹用條長啲既繩放番落嚟先得)，唯有我地幾個繼續自己上 (其他人過番之前果到上頂)。
中間果幾級相對易，但都幾好玩。不過條隙真係幾窄，同一級唔容許企多過一個人，只可以逐個跟住上。
最後果步又係比較難。Meko搵左陣手位，對腳對撐到勁開就輕鬆上左去。我呢個時候就擔心緊我啲根咁緊用唔到佢個方法會唔會上唔到架 lol
到我上lu，好彩慢慢搵下隱陣既手位 (係入少少草堆下面既石)，對腳睇清楚踩邊平衡到加少少力就上到。上到去就見到其他人已經係另一邊上完等緊我地啦，係上面望番落個隙位又幾正。
之後上少少草坡就會剷番上大金鐘頂既標距柱。哇番番郊遊徑即刻勁多人。仲有時間就順路係大金鐘另一邊小徑落山玩埋金鐘石塔。今日天氣靚到爆，仲要由朝玩到晚，正！:D
金鐘南崖
bottom of page