係短咀好奢侈咁玩了成個鍾後, 又要趕係入黑前去到長咀, 好彩去長咀ge路上落唔多, 而且都係大路為主, 所以用咗差不多一個鍾就到長咀山脊。
其實行了咁多個鍾已經有d攰嫁喇, 不過諗起自己未去過長咀, 就好期待果度ge風景, 加上唔想天黑先長到咀咩都睇唔到, 竟然不自覺開咗跑山mode lol 用了唔駛半個鍾就跑了出咀 lol
1730終於去到是日最後一個景點, 好感動!!!!!!! 長咀其實都幾多野玩,唔計睇日出露營果過夜活動, 仲可以睇下浪,玩下石,綑下邊,研究下d火星文字... 總言之即係今次唔夠時間玩晒喇, 要下次黎過 !
考完試有幾日sem break終於可以出黎行山, 今日跟隊小組玩長線 -- 蚺蛇尖,米粉咀,短咀,長咀連走。一直都想試下玩呢條長線好耐, 一次過行晒三個好靚嘅大岬角, 由天光行到天黑,真係極度滿足 :D
一行八人九點半準時係北潭岰出發上,蚺蛇尖 一出發冇耐就遇到Bobby一家人。:D 行開西貢東ge朋友一定見過佢(圖左),佢極之活躍係呢一帶, 無論綑邊, 行山, 爆林... 佢都可以陪你行, 個個都話佢好有靈性嫁。但呢個唔係重點, 重點係, 原來佢鬼鬼祟祟咁娶咗老婆同生埋仔喇 !!!!!!!!!
佢娶咗個黃色狗仔做佢老婆仔, 仲生咗兩隻狗仔添, 成家立室真係大個仔喇(老懷安慰mode....) 但唔知佢係咪要養家辛苦, 佢比起之前瘦咗唔少, 所以陪我地上蚺蛇尖呢個重任就交俾佢ge元配 -- Bobby嫂(圖二)la~~~ :D
上蚺蛇尖呢段都冇咩好講, 不過天氣麻麻多煙霞所都冇咩好睇, 個個都掛住同Bobby嫂玩, 但Bobby嫂有d怕人, 所以都keep住跟係隊尾唔多show我地。
呢個時候有位前輩話幫我地睇住D袋等我地可以輕鬆出去玩晒個短咀, 超好人 ! 冇晒負擔即刻暴走出到咀la :D雖然唔係第一次黎短咀, 但上次37度勁熱謝晒皮根本冇心機玩 ... 今次終於可以徹底玩晒lu~~~~:D
行到米粉咀第一個草坡, 第一下見到就係 -- 牛K, 小心避開D KK 之後就落咗去海岸邊lu~~~ 好靚啊(當睇唔到周地ge垃圾) 原來米粉咀最出面果舊係隔咗條水道, 有位師兄就好灑脫咁脫鞋行過去, 仲爬埋上去添, 而我地就周圍影下玩下咁, 而有人更手痕添 !
玩咗半個鍾就番轉頭lu, 我地好勁咁搵唔番落黎條路, 不過憑住大家ge路感一陣就爆番上條路lu~~:D
拎番d行李就出發去短咀, 為咗唔駛chur番上去米粉頂, 大隊就決定跟住一條若隱若現ge橫腰小路剷過去短咀, 點知條路行下行下就密了, 不過有高手係度開林一陣就駁番去出短咀ge大路, 呢個時候個天竟然出太陽黎, 而且能見度極高, 連老遠ge睇魚岩頂都望得好清楚 :D
係長咀玩完已經差唔多六點半, 個天已經差唔多黑晒, 好彩大家一早已經有夜行ge覺悟, 個個都帶定頭燈黎行 :D 入黑之後大家都行唔得快, 而且認路各方面都難好多, 甚至係東灣去鹹田灣果段迷路, 係同一個地方兜了勁多次 =___= 輾轉係果度搞了半個鍾終於決定放棄行水管路,搵番條麥徑過去就算。
終於係八半我地去到鹹田灣, 大家可以揸得出ge能量都揸晒, 唯有係鹹田士多食個靚飯休息下, 太抵玩, 60蚊蝶炒粉/飯, 份量可以滿足到一眾餓鬼, 正!
食飽上路都已經係九點, 呢個時候仲要行多一大段麥二石屎路先番到去赤徑, 諗到已經想投降訓沙灘算 =____=
好喇, 十點九終於出到去北潭凹, 已經攰到連call的士都冇力... 但好彩地冇喇喇遇到架聲稱未去過西貢要入黎兜風ge的士, 隊友都唔理就上車走了, 番到屋企沖埋涼都一點了, 八個鍾後又要出番黎西貢玩飛龍飛鳳, 好眼訓... 完。
行了差唔多一個鍾就上到蚺蛇尖, 今次終於可以望遠d喇, 成個千溪海岸都睇到晒la。:D
大家坐低hea下, 有位師兄好勁, 竟然帶勁多益力多派街坊, 真係太感動係蚺蛇尖有正野飲:P
坐多陣就出發去米粉咀lu, 呢段路都係落山為主, 加上可能多人行踩到d路好靚, 所以都行得幾輕鬆。行到差唔多到米粉頂仲見到班民安隊揹住勁多露營gear chur上蚺蛇尖, 仲聽到佢地話可能出長咀, 睇到都覺得好癲 ! 呢個時候唔知Bobby係咪覺得我地悶, 佢係呢度goodbye都冇聲就跟民安隊走咗...
玩下跑下話咁快就差唔多到米粉咀lu :D
愈行愈近短咀喇, d浪聲都愈黎愈近喇, 係靚天色之下望去短咀真係一絕, 好期待啊, 行快D喇~~ :D
三點正,終於行到短咀喇, 先去短咀版一線生機一探, 雖然唔係第一次黎短咀, 但每次黎親呢個位都覺得無比震撼,冇諗過轉過彎就會見到個咁宏偉斷崖。 :D
經商議後,最後大家決定出咀出到盡 -- 行到短咀盡頭 :D 原本諗住短咀咁"短"十分鍾就行到喇。點知出去條路唔知係咪太少人行,成條路又密又多刺, 隻手爆了幾下之後已經想放棄 =__= 但為了可以睇靚景, 犧牲下又點話丫。=__=
係隻手花晒之前,我地終於殺出一條血路出去喇 :D 好癲, 係一個極近距離觀看和尚洲, 原本想落埋去岸邊影相,但隊友試過話D石太碎搏唔過, 所以唯有等下次綑邊先探喇。
