top of page
是次上溯薄西坑順路上埋西高南崖玩壁。出澗之後向上望住前面既西高山，淨係大霧到隱約見到南崖。由於能見度奇低，對佢既期望並唔係太高。不過因為今日有強烈季侯風訊號，上到崖之後大風到就嚟吹落山，增加左爬壁既難度，turn out 又幾刺激好玩:P 下面呢段片係最後上頂塊壁都算係精華段，多謝小明拍片:D
一路沿住幾明顯既山路上，直至去到開始有石既地方。我地見左上先有壁玩，就開始向左橫移離開好靚既絲帶路。最初下面果幾層石堆都幾碎，要小心啲先唔會踩到落石。跟住就一直繼續向左移，望住啲壁進發.....
一路橫移向上都幾多野爬下。啲壁本身唔難玩下，但係強烈既風勢之下，每一步都勁唔穩陣要加倍小心。呀發有到本來想單手舉出嚟影相都差啲比風吹到失平衡，嚇死lol
最後去到呢塊壁幾正，玩埋就可以上到西高山頂(:
上到頂仍然大風到企唔穩，但有短暫太陽好舒服。落山順便玩埋最後一條坑——西高北坑:D
西高南崖
bottom of page